Նոր Նորքում ապամոնտաժվել է ավելի քան 1100քմ ապօրինի կառույց (տեսանյութեր)
Երևանի քաղաքապետ Հայկ Մարությանի որոշմամբ Նոր Նորք վարչական շրջանում ապամոնտաժվել է ավելի քան 1100 քմ ապօրինի կառույցը:
Այս մասին ֆեյսբուքյան ուղիղ եթերի միջոցով հայտնել է Երևանի քաղաքապետի մամուլի խոսնակ Հակոբ Կարապետյանը: Քանդման աշխատանքների ընթացքում հասարակական կարգը պահպանել է ոստիկանության հատուկ ստորաբաժանումը:
«Կառուցապատողը մի քանի անգամ զգուշացվել է, որ պետք է առնվազն կասեցնի շինարարությունը: Ընդ որում, գործ ունեն համայնքային սեփականություն հանդիսացող տարածքի ապօրինի զավթման դեպքի հետ»,- ասել է Հ. Կարապետյանը:
Երևանի քաղաքապետի մամուլի խոսնակը նշել է, որ Հայկ Մարությանն իր պաշտոնավարման առաջին օրերից հայտարարել է ապօրինի շինարարությունը Երևանում դադարեցնելու և օրինական շինարարության թույլատվության ընթացակարգերը պարզեցնելու մասին:
