Մամուլ

«Հայկ Մարությանը վեց բնակարան ունի, որից 5-ը Պրահայում». Արմեն Դուլյան

Հեռուստամեկնաբան Արմեն Դուլյանի ֆեյսբուքյան գրառումը.

«Միգուցե Պրահայի քաղաքապե՞տ… Կարդացի շատ կոնկրետ լրատվամիջոցի տեղեկատվություն, որտեղ շատ կոնկրետ հղում կա շատ կոնկրետ պաշտոնական աղբյուրին՝ Երեւանի քաղաքապետի շատ կոնկրետ թեկնածուի վերաբերյալ ու ակամայից մտածեցի՝ եթե մարդը Պրահայում իրոք ՎԵՑ բնակարան ունի, միգուցե մտածի Պրահայի քաղաքապետ դառնալու մասին…

Իսկ տեղեկատվությունը սա է՝ «Հայկական ժամանակ»-ն ուսումնասիրել է 12 թեկնածուների 2018 թվականի սեպտեմբերի 11-ի դրությամբ առկա միջոցները եւ պարզել, որ ամենահարուստ թեկնածուն «Իմ քայլը» դաշինքը ներկայացնող Հայկ Մարությանն է: «Իմ քայլը» դաշինքի քաղաքապետի թեկնածու Հայկ Մարությանը իր ունեցվածքով գերազանցում է մյուս թեկնածուներին: Նա ունի վեց բնակարան, որից մեկը Երեւանի Հյուսիսային պողոտայում, իսկ մնացածը Չեխիայի Հանրապետության Պրահա քաղաքի տարբեր թաղամասերում: Պրահայում Հայկ Մարությանն ունի նաեւ առանձնատուն»… Դրա համար եմ ասում՝ միգուցե՝ Պրահայի քաղաքապետ…»:

Կիսվել նյութով