Ինչպես հասկանալ, որ տղամարդն օգտագործում քեզ, որպեսզի մոռանա իր նախկինին

Ինչպես հասկանալ, որ տղամարդն օգտագործում քեզ, որպեսզի մոռանա իր նախկինին։

Նա չի կարողանում հանգիստ խոսել նրա մասին

Հենց միայն այն փաստը, որ նա քո ներկայությամբ հիշատակում է նրա մասին՝ արդեն իսկ պետք է մտահոգի քեզ։ Բայց եթե նրա հիշատակումներում կան նաև զգացմունքներ՝ թեկուզ բացասական, ուրեմն նա հաստատ չի մոռացել նրա մասին։

Արդեն մի քանի ամիս է անցել, իսկ նա դեռ քեզ չի ծանոթացրել իր ընտանիքի հետ

Գո՞ւցե նրանք նույնիսկ չգիտեն քո գոյության մասին։ Եթե երբ նրա մայրը զանգում է, նա նույնիսկ չի հիշատակում քո մասին, ուրեմն, հնարավոր է, քո մասին ոչ ոք չգիտի ու, հնարավոր է, նա նույնիսկ մտադիր չէ քեզ հետ կապել իր ապագան։

Ձեր հարաբերություններում չկա ռոմանտիզմ

Ձեր կապն ավելի շատ ֆիզիկակա՞ն է, քան զգացմունքային։ Դա ակնհայտ նշան է, որ նրա զգացմունքները այլ կնոջ հետ են կապված։ Եթե դուք մեծամասամբ պարզապես սեքսով եք զբաղվում, ընդ որում՝ առանց որևէ զգացմունքների (անգամ եթե կրքոտ), ուրեմն նա պարզապես ձգտում է քո միջոցով մոռանալ նախորդի մասին։

Նա քեզ հետ ապագայի ծրագրեր չի կառուցում

Նա չպետք է միանգամից ծնկի իջնի ու ամուսնության առաջարկություն անի, բայց նրա խոսակցություններից դու պետք է հասկանաս, որ նա մտադիր չէ հենց հաջորդ շաբաթ կամ հաջորդ ամիս խզել քեզ հետ իր հարաբերությունները։

Նա չափից շատ է շտապեցնում հարաբերությունները

Դուք նոր եք սկսել հանդիպել, իսկ նա արդեն առաջարկում է տեղափոխվել իր տուն։ Նա անընդհատ գրում է քեզ ու ուզում է հանդիպել ամեն օր։ Դա, իհարկե, վատ չէ, բայց գուցե և անկեղծ չէ։

Նա չէր կարող իսկապես սիրահարվել քեզ, եթե դուք դեռ նոր եք ծանոթացել։ Գուցե նա պարզապես փորձում է ինքն իրեն համոզել, որ երջանիկ է։

Դու զգում ես, որ նա քեզ համեմատում է իր նախորդի հետ

Հնարավոր է նա բարձրաձայն չի խոսում այդ մասին, բայց դու դա զգում ես։ Գուցե դու անում ես այն, ինչ նրա նախորդը չէր անի, կամ գուցե հակառակը՝ նա քեզ խորհուրդ է տալիս անել մի բան, որը նրա նախորդն էր անում։

Եթե զգում ես, որ նա փորձում է քեզ վերածել իր նախորդ ընկերուհուն, ուրեմն այդպես էլ կա՝ նա դեռ չի մոռացել այդ կնոջը։

Նրա ընկերները զարմացած են, որ նա ընկերուհի ունի

Եթե նրա ընկերները կասկածում են ձեր հարաբերություններին, ուրեմն նրանք գիտեն մի բան, որը դու չգիտես։ Գուցե հենց երեկ նա ընկերներին պատմում էր իր նախորդի մասին, իսկ այսօր արդեն քեզ հետ է ծանոթացնում։

Նա դժվարությամբ է բաժանվել նախորդից

Աղջի՞կն է լքել նրան։ Նրանք երկար տարիներ հանդիպե՞լ են։ Եթե ընդամենը մի քանի շաբաթ կամ ամիս է անցել ու նա ասում է, որ արդեն մոռացել է այդ աղջկա մասին, ապա դժվար թե դա ճիշտ լինի։

Նա քեզ շփոթում է նրա հետ

Ըստ երևույթին՝ նա չափից շատ է մտածում իր նախորդի մասին ու մոռանում է, որ իր կողքին դու ես, այլ ոչ թե նա։

Գուցե նա նույնիսկ ինչ-որ մանրուքներ է շփոթում՝ օրինակ որ դու ոչ թե կաթով սուրճ ես սիրում, ինչպես նրա նախորդը, այլ կանաչ թեյ ես նախընտրում, կամ մանուշակագույն ես սիրում, այլ ոչ թե վարդագույն։

Նյութի աղբյուրը` Yelaket.am