Գեղարքունիքում ձնահյուսի տակ մնացած զինծառայողը գնացել էր ձեռնոցի հետևից. մանրամասներ զինծառայողի մահվան դեպքից
««Ժողովուրդ» օրաթերթին մանրամասներ են հայտնի դարձել ՀՀ Գեղարքունիքի մարզում ձնահյուսի տակ մնացած պայմանագրային զինծառայող Մհեր Հովսեփյանի մահվան դեպքից:
Ըստ մեր տեղեկությունների՝ Մհեր Հովսեփյանը դիրքում է եղել, սակայն քամին քշել է նրա ձեռնոցը: Այդ ժամանակ նրան հորդորել են ձորին մոտ չգնալ՝ նշելով. «Ձեռնոցդ քամին քշեց տարավ, պետք չէ վտանգի ենթարկես քեզ, գնաս ձեռնոցի հետևից»:
Բայց, ցավոք, Մհեր Հովսեփյանը մտածել է, թե վտանգ չկա, և մոտեցել է ձորին, ինչի ժամանակ ձյան թառը (բլրակը) քանդվել է, իսկ զինվորն ընկել է ձորը:Նշենք, որ Հովսեփյանը 24 տարեկան էր, ամուսնացած էր և ուներ մեկ երեխա:
Հիշեցնենք, որ ՊՆ N զորամասի զինծառայող Մհեր Հովսեփյանը կորել էր: Նրան մի քանի օր շարունակ փնտրում էին: Զինծառայողին գտան մահացած»,-գրում է թերթը:
Առավել մանրամասն՝ թերթի այսօրվա համարում:
