Մամուլ

Անօգնական վիճակում հայտնված ընտանիքի անդամներին օգնության հասան ճանապարհային ոստիկանները

Այս օրերին, մանավանդ՝ շաբաթ-կիրակի, Երևան-Սևան ավտոճանապարհը խիստ ծանրաբեռնված է դառնում ու ճանապարհային ոստիկանները ուժեղացված ռեժիմով են աշխատում նշված հատվածում, ինչի շնորհիվ ճանապարհային երթևեկության անվտանգությունը բարձր մակարդակի վրա է, քանի որ երեկոյան ժամերին, երբ քաղաքացիները իրենց հանգիստը վայելած վերադառնում են մայրաքաղաք, ճանապարհային ոստիկանները նրանց ուղեկցում են մինչև մայրաքաղաք:

Հուլիսի 14-ին, երևանցիների մի ընտանիք մեկնում էր Սևան, իրենց հանգիստը վայելելու: Աբովյանի վարչական տարածքում նրանց ավտոմեքենան խոտանվում է: Այդ պահին նշված վայրով անցնող ՃՈ 2-րդ սպայական գումարտակի 3-րդ վաշտի 1-ին դասակի ծառայողները՝ դասակի հրամանատար Տիգրան Քոթանջյանի և ավագ հետաքննիչ Վահե Հարությունյանի գլխավորությամբ, փորձում են ավտոմեքենան «խոդի գցել», սակայն չի ստացվում:

Անգամ նույն վաշտի ՃՈ տեսուչները մասնագետ են բերում, որը զննելով ավտոմեքենան, հորդորում է, որպեսզի այն քարշակով տեղափոխեն ավտոմեխանիկի մոտ: Այդ ընթացքումմ նշված հատվածով անցնող վարորդները անտարբեր էին մնում այդ իրավիճակին: Միայն ճանապարհային ոստիկանները և Mercedes մակնիշի 81 NO 777 համարանիշի ավտոմեքենայի վարորդն ու իր ընկերն էին, որ օգնության ձեռք մեկնեցին այդ ընտանիքին, որոնց թվում երեխաներ կային:

Աղբյուր՝ shamshyan.com

Կիսվել նյութով