Լիլուի խոստովանությունն ու որդու հետ ֆոտոշարքը - Bavnews.am

Լիլուի խոստովանությունն ու որդու հետ ֆոտոշարքը

Լիլուի կյանքը փոխվեց 2016-ին՝ Ռոբերտի լույս աշխարհ գալով: Շուրջ 2 տարի Լոս Անջելեսում բնակվող երգչուհին BRAVO.am-ին է տրամադրել որդու հետ տոնական նոր ֆոտոշարքը, խոսել ամերիկյան առօրյայից, փոքրիկի նախասիրություններից, և ոչ միայն:

Ամեն ինչ զրոյից

”Միացյալ Նահանգներ գալով՝ հասկացա, որ պետք է ամեն ինչ սկսել զրոյից… Տեղափոխությունն ինձ համար բոլորովին էլ վախենալու չէր: Այն մարդկանցից եմ, ովքեր սիրում են ամեն ինչ զրոյից սկսել: Կյանքը հնարավորություն է տալիս ապացուցել հենց ինքդ քեզ, որ ուժեղ ես: Դա մեծ հաղթանակ է ինձ համար: Օտարությունն արդեն իսկ սթրես է, էլ ուր մնաց քո մասնագիտությամբ զբաղվես, այն էլ՝ այստեղ: Դժվարությունները շատ են: Ես լուռ, համբերատար կարողացա անել դա: Եվ հիմա գոհ եմ:”

Առանց սահմանափակումների

”Իմ ստեղծագործական կյանքն ուրիշ է, հոգուս աշխարհն է: Որդուս ծնվելուց հետո էլ ոչ մի փոփոխություն չկա, ինչպես նաև` ոչ մի սահմանափակում: Ես նույն արտիստն եմ, միայն մեկ առավելությամբ՝ որդի ունեմ, ում համար էլ կարող եմ զոհել բեմը:

Առաջիկայում նորություններ են սպասվում` նոր երգեր, տեսահոլովակներ և համագործակցություն:”

 

Նյութի աղբյուրը՝ bravo.am